Posts

Showing posts from August, 2012

Para sa aking Mahal na Magulang

Image
By: Eden Diao Apostol

Ang buhay kong ito'y sa inyo nagmula Pangalawa sa Diyos na s'yang lumikha Utang ko sa inyo ang aking hininga Minahal, hinubog ng inyong kalinga. Mga sakripisyo'y sadyang hindi biro Mula ng ako'y iniluwal sa mundo Pag-ibig na iniukol sa 'ki'y totoo Pagmamahal ninyo'y nagsilbing lakas ko. Ako'y tinuruan ng magandang asal Sa gitna ng hirap ako'y pinag-aral Upang 'di mapariwara ang aking buhay Diplomang natanggap sa inyo ini-alay. Ngayon ang buhay ko ay sadyang kay-palad Pangarap ko'y unti-unting natutupad Ito'y bunga ng 'nyong dakilang paglingap Sa 'king puso'y walang hanggang pasalamat.

Sana Dama Mo

Dama mo ba ang pigil kong hikbi?
sa tuwing maghihiwalay ating mga labi
Dama mo ba ang aking pighati
sa tuwing mamaalam ka kahit sandali

Dama mo ba, gaano kabigat aking dala?
kapag ikaw ay di mahagilap ng aking mga mata
Dama mo ba ang walang kutumbas na saya?
sa sandaling ikaw ay yapos at yakap ko na

Dama mo ba na hindi ko kayang mabuhay?
kung hindi ko hawak iyong malambot na kamay
Dama mo ba na wala na akong asam sa buhay?
kundi ang makasama ka at mahalin ng tunay

Alam kong dama mo kung gaano kitang mahal
dahil hindi dadaan ag araw na di kita hanap
Alam kong dama mo kung gaano kitang mahal
dahil kasama ka lagi sa aking mga pagarap

Akin lamang dalangin at tangi kong hiling
sa tabi ko lagi kang nandiyan at mananatili
Akin lamang dalangin at tangi kong hiling
lagi kang naka-antabay sa pagsungo ko sa dilim