Posts

Showing posts from January, 2014

Para sa aking Mahal na Magulang

Image
By: Eden Diao Apostol

Ang buhay kong ito'y sa inyo nagmula Pangalawa sa Diyos na s'yang lumikha Utang ko sa inyo ang aking hininga Minahal, hinubog ng inyong kalinga. Mga sakripisyo'y sadyang hindi biro Mula ng ako'y iniluwal sa mundo Pag-ibig na iniukol sa 'ki'y totoo Pagmamahal ninyo'y nagsilbing lakas ko. Ako'y tinuruan ng magandang asal Sa gitna ng hirap ako'y pinag-aral Upang 'di mapariwara ang aking buhay Diplomang natanggap sa inyo ini-alay. Ngayon ang buhay ko ay sadyang kay-palad Pangarap ko'y unti-unting natutupad Ito'y bunga ng 'nyong dakilang paglingap Sa 'king puso'y walang hanggang pasalamat.

Ina....Sa Likod Ng Bawat Pangarap-Para Sa Mga Inang OFW

Image
 Isa na namang likha at Handong ni: Rey Medalla


Ala-alang lumipas sa isipa'y nagbabalik
nang dito sa air-port siya ay ihatid
may lungkot sa puso tumatangis itong isip
nang sa sariling bayan siya ay umalis

Nang sasakyan niya tuluyang lumayo
nangilid ang luhang sa pisngi'y tumulo
impit na winika sa mga anak lalayo
pag-asa'y dala..."ang bukas may pangako"

Isang inang tangi at siya lang sandigan
nang mga nak n'ya sa kanilang kahirapan
puso'y nagdurusa ng siya ay mamaalam
malayong bansa dito ay mamasukan

Sigaw ng pusong totoong kay kirot
sa kanyang damdaming taglay na himutok
tanging lakas niya ay tatag ng loob
diyos ko...ang sambit pangarap ay maabot

Dito sa italya'y nakipagsapalaran
dilim at liwanag kanyang kaagapay
dilim sa isipang mayroong agam-agam
tuwa na liwanag kanyang makakamtan

Kay sakit kay hapdi kanyang naramdaman
sa oras ng pag-iisa tigib ng kalungkutan
tuwina ay umiiyak sa gabi at araw
labis ang hapding sa pamilya ay mawalay

Itong mga bagabag…

Ang Inang Ibon Sa Kanyang Mga Inakay

Image
 Likha at hambag ni: Rey Medalla


Sa isang sanga na puno ng mangga
mababa ito at abot tanaw ko pa
ilang araw din dito'y aking nakikita
ginawang pugad nitong ibong maya

Sa isang pugad may tatlong inakay
sisiyap-siyap at wala pang malay
inaheng maya ay aking nasaksihan
dito sa inakay kanyang pagmamahal

Sa isipan ko'y 'di naiwasang magtanong
nag-iisa siyang aruga ay ginugugol
dito sa mga inakay sa buong maghapon
walang katuwang dapat niyang katulong

Tuwina sa kanya aking namamasid
pag-lingap sa inakay 'di ipinagkakait
sandaling lalayo sa kanyang pag-balik
pag-kain ang dalang sa inakay ihahatid

Kanilang amang ibon mula ng iluwal
liwanag ay namasdan nitong mga inakay
lumayo na ito at sila ay iniwanan
itong inang maya kasama araw-araw

Sadyang ganito ang damdamin ng ina
aruga sa anak ay kanyang ipadadama
dahil ng magsilang kasabihang talaga
nakabaon sa hukay ang isang paa niya

Dito sa tulaing ngayo'y aking kinatha
ano ka mang ina'ymagandang halimbawa
sa mundong ito higit siyang mag-papala
dito sa…