Skip to main content

PANAGINIP (By: Liberty Hipolito)


Sa pagpikit ng aking mga mata
Larawan mo ang laging nakikita
Mukha mong tila nagpapaalala
Sa panahong ating pinagsama.

Gabi gabi tila ikaw ay kapiling
Halos wala na akong mahiling
Regalo mo sa aking singsing
Laging mata duo’y nakatingin.

Matamis mong pagsinta
Ang sa akin ay nagpapasaya
Mga pangakong kayganda
Tila hindi na matatapos pa.

Ngunit dumating ang panahon
Parang isda na sa tubig ay umahon
Tulad ng pakong naalis sa pagkakabaon
Saan kaya tayo dadalin ng pagkakataon?

Kayhirap ng ganitong malayo ka na
Hindi na kailanman makakasama pa
Alaala na lang sa tuwina
Sa panaginip na lang hihintayin ka…

Comments

  1. Tama ka sa iyong tinuran kaibigan
    laging nakakapaghintay wagas na pag-iibigan
    gano man katagal panohon na magdaraan
    basta manatiling tapat sa mga sinumpahan

    ReplyDelete
    Replies
    1. GANDA NMAN PO NG TULA NIYO...........

      Delete
  2. ...sa pag-alab ng pangungulila
    dadaloy mula sa puso patungo sa diwa.
    ...sisiklab ang damdamin
    at tiyak sya'y makakapiling sa pagsapit ng dilim

    di mo man naisin
    at minsa'y di mo napapansin
    pangarap na nais syang makamit
    sa panaginip duo'y guguhit

    wyngard alvarez

    ReplyDelete

Post a Comment

Popular posts from this blog

Para sa aking Mahal na Magulang

By: Eden Diao Apostol

Ang buhay kong ito'y sa inyo nagmula Pangalawa sa Diyos na s'yang lumikha Utang ko sa inyo ang aking hininga Minahal, hinubog ng inyong kalinga. Mga sakripisyo'y sadyang hindi biro Mula ng ako'y iniluwal sa mundo Pag-ibig na iniukol sa 'ki'y totoo Pagmamahal ninyo'y nagsilbing lakas ko. Ako'y tinuruan ng magandang asal Sa gitna ng hirap ako'y pinag-aral Upang 'di mapariwara ang aking buhay Diplomang natanggap sa inyo ini-alay. Ngayon ang buhay ko ay sadyang kay-palad Pangarap ko'y unti-unting natutupad Ito'y bunga ng 'nyong dakilang paglingap Sa 'king puso'y walang hanggang pasalamat.

Siya na Aking Ina

Siya na nagluwal sa akin
Na umantabay sa aking kamusmusan
Siya na nagmahal sa akin
Ng wagas at walang alinlangan

Siya na nagbigay buhay sa akin
Handang ialay buo niyang sarili
Siya na palaging nakabantay sa akin
Na nagpakasakit sa aking paglaki

Siya na naghihintay sa akin
Sa gabi, sa alanganing oras na pag-uwi
Siya na nagbibigay lakas sa akin
Sa tuwing ako’y malapit ng magapi

Siya na naniniwala sa akin
Kahit ako’y tinatalikuran ng lahat
Siya ang nag-aalalay sa akin
Kapag nadadapa’t nakakalimot

Siya ang nagsilbing tala
Sa panahon na madilim
Siya ang aking mahal na ina
Na naging huwaran sa akin

Lumipad at Mangarap

Daan tungo sa tagumpay ay lubhang matarik
At marami ang sa iyo ay pilit na hahatak
Huwag mawalan ng pag-asa, huwag iiyak
Mahal mo sa buhay pataas ika'y itutulak

Linangin mo ang taglay na kakayanan
Gaya ng mamahaling bato at hiyas
Na kailangang kiskisin para kuminang
Di magtatagal at ikaw ay papaitaas

Huwag sumuko, huwag itigil ang laban
Tagumpay ay halos abot mo na
Pumailanglang, panatilihin ang Lipad

Sabi nga nila tiyaga ang kailangan
Haluhan mo ng sipag at dalangin
Mga pagdududa ay dapat lupigin
Makakamit ang magandang hangarin

May mga panahong walang kasing hirap
Pero sino ang nagsabing ang buhay ay madali?
Pintuan ay bukas, maging maagap
Dahil sa kabila nito'y kaligayahang di malilip

Huwag sumuko, huwag itigil ang laban
Tagumpay ay halos abot mo na
Pumailanglang, panatilihin ang Lipad

Kapag ang iyong mga pangarap ay napakasamay na
Huwag kailanman kalimutang lumingon
Ikaw naman ang sa iba ay luminga
Tulangan mo ang iba sa kanilang pagbangon

Ngayon na nasa rurok ka na ng ta…