Di Ka Nag-Iisa

Nasa madilim na sulok, nagtatanong
nakaluhod at mag-isang umiiyak
kalaguyo ay mga maitim na anino
nagdadalamhati sa pangarap na nawasak

Sana nga ay may mga sagot
mga tanong na gumugulo sa isipan
katinuan sana ay huwag malagot
makita mo sana ang tamang daan

Kaibigan iyong iwaglit ang poot
piliting muling makabangon
tumingin ka sa malawak na laot
maghintay, darating ang ambon

Kasawian ay bahagi ng buhay
huwag mong isiping nag-iisa ka
dahil ano't ano pa man, may dadamay
kaantabay nagmamahal na pamilya

Mga Komento

Mga sikat na post sa blog na ito

Para sa aking Mahal na Magulang

Sa Muling Pagbangon

Ina....Sa Likod Ng Bawat Pangarap-Para Sa Mga Inang OFW