Ang Inahing Baboy at Tatlong Unggoy (Pork Barrel Scam)


sarap ng buhay, di lang isang kotse, napakarami
mula sa simpleng buhay biglang yaman si Tita
sabi noong una meron daw yaman sa uling
pero kahit gaano kapa kagaling magsinungaling
ang katotohanan, isa ka palang mandarambong

kahit noon pa, kay tatang hindi ako bilib
kasi ba naman kinagat ang amo ng magipit
sa galing sa diskarte sa kanya bayani pa ang turing
sana nalaglag ka na lang ng ika'y tumalon
ikaw pala ay isang dakilang mandarambong

heto namang isa pandak man, kay yaman pala
dati naman siyang may pilikula, ewan ko lang kung kumita
gaya ng ama, maninilbihan daw, linangoy ang pulitika
tama nga si lola, kung ano ang puno ay siyang bunga
isa ka rin pa lang dambuhalang mandarambong

ngiti lang kuha ka na, tingin pa lang ay nanghahalina
astig din siya lalo na kung siya ang makisig na bida
nang maisakdal, sa podium namamalimos ng awa
o siya gandahan ang script, padasal at parada
akala ko isa kang tagapagtanggol, ikaw pala'y mandarambong

ang kwento ay kathang-isip lamang pero malapit sa katotohanan
di sinasadya ng may-akda kung meron mang nasapol at tinamaan
tabi-tabi po, bato bato sa langit sana sa kulungan ang bagsak
isang inaheng baboy sana ay maparusahan sa sobrang pagiging gahaman
ang tatlong unggoy sana ay mabulok sa kulungan ng di na pamarisan

Comments

Popular posts from this blog

Para sa aking Mahal na Magulang

Siya na Aking Ina

Lumipad at Mangarap